നഷ്‌ടപ്പെടലുകള്‍ നല്‍കിയ വേദനയില്‍ നിന്നും ഓടിയൊളിച്ച എന്റെ പ്രിയ സഖി അനുപമയ്‌ക്കായി എന്റെ ഈ കവിത സമര്‍പ്പിക്കുന്നു
ഞാന്‍ വഞ്ചിക്കുന്നു എന്നെയും എന്‍ ഹൃദയത്തെയും
പിന്നെ ഇന്നിതാ വേറൊരാളെയും
പലവുരു ചിന്തിച്ചു, വീഴില്ല, ഞാന്‍
പ്രണയത്തില്‍......
പിന്നെ എവിടെയോ പിഴച്ചു
വീണു ഞാന്‍ പ്രണയക്കയത്തില്‍
പ്രണയം പ്രണയം പ്രണയം
പ്രണയക്കടലില്‍ മുങ്ങുന്നു
സുഖകരമാം വേദന
വിങ്ങുന്ന ഹൃദയം നീറുന്ന മനം
ഇതും സുഖം.....
പിന്നെ എപ്പോഴോ വഴുതി മാറി
മുറിച്ചുമാറ്റി ഹൃദയത്തില്‍ നിന്നും
പ്രണയം പിടിച്ചു ദ്രവിച്ചൊരാ ഭാഗത്തെ
ഇപ്പോഴും ഇറ്റിറ്റു വീഴുന്നു
പ്രണയത്തിന്‍ രക്തത്തുള്ളികള്‍
രാവുകള്‍ വന്നുപോയി
നിനവുകള്‍ തേങ്ങലായി
അമാവാസിയില്‍ നിലാവായ
പ്രണയകുളിരിനെ
നഷ്‌ടപ്പെടുത്തിയ നീചനായി
വീണുഴലുന്നു പൃഥ്വിക്ക്‌ ഭാരമായ്‌
